Sorpresa

Estaba autobuscándome na rede e resulta que eu tiña un bló e nin me acordaba. É do 2005, so ten unha entrada e non teño nin idea de a que me refería cando a escribín. Agora a ver se lle recupero a contraseña e fago algo con el.

Ou rompe, ou racha

Mira ti que cousas.

Sobre o café e blogues no Vecchio

Non fun a convocatoria feita por Frank porque xa tiña compromiso, pero cando vin as fotos que fixera ghanito, en vez de apenarme aledeime un montón. Volvemos a atoparnos!!



E alédome moito por el, moitísimo.



Pasou moito tempo, pero o meu primeiro ano na Coruña está e estará marcado por todo o que vivín con el e con toda a súa pandilla, o meu primeiro San Xoán, as cuadas patinando (aínda non aprendín), a "te paso a recoger, ya!", as hamburguesas no Delicias despois de saír toda a noite, as cancións de U2, a SuperCoco...a risas mil!

Agora, tantos anos despois, voltamos a atoparnos: mil bicos e os meus parabéns a LordMax e á súa Musa, esa ejecutiva agresiva.

Esa voda!

A lo tonto, a lo tonto

Elos é un blogue colectivo ao que se pode unir quen queira mandando un correo a silvinho.galiza(arroba)gmail.com. As normas para escribir nel son ben sinxelas:

1. Coller a última frase que se puxo no último post publicado.
2. No caso de que dúas persoas contesten á vez, a contestación debe ser unha mezcla das dúas frases.
3. Aconséllase un/dous posts por semana e persoa (ás veces eu farei máis pra dirixir os temas cara un lado ou outro).
4. Non insultar nin faltar ao respeto a ninguén.

Xa hai moita xente participando. A día de hoxe eu recomendaríavos ir seguindo (e uníndovos) unha historia que surxiu así daquela maneira e que a min, agora mesmo, tenme intrigada porque non sei o xeito no que rematará.

1. Obsesion de Rosa Enríquez
2. Re-start de Elianinha
3. Gústame o azul clariño (mea culpa)
4. Que mo digan a min de Rifo I de Zeuquirne
5. Marabillosa urxencia de Ghanito
6. De película (mea culpa)


Esto dos blogues colectivos e colaborativos está moi ben, e non hai máis que ver o + dylan, o Contasoños e as Historias eléctricas. Anda que non temos cousas que contar e sen cobrar polos dereitos de autor.

Lerching, lerching!

Como non teño que facer vamos a falar deste noso grande blogomillo:

Que nos contará veloso na súa tan agradable volta?

Que acontecerá co envite de cambote?

Virá a exposición de Bob Dylan a Galicia?

A onde se retira Gustavo Harvey?

Por que será que parece que non enganchan os podcasts?

Como transcurrirá esa xuntanza blogueira o sábado 14 en Compostela?

Carlos Marcos ten posibilidades para a conquista do concello de A Coruña?

Para cando ese partido de billarda blogomilleira con posterior saída nocturna na Coruña?

Segue sendo esto a blogomorgue?

Será posible que remate sendo unha funcionaria máis?

É posible que o funcionariado sexa tan adictivo coma a billarda?

Estas e outras cuestións terán resposta ao seu debido tempo, compañeiros, permanezan atentos ás súas pantallas e si, hai vida máis aló de internet. Incrible, pero certo.

Os veciños na rede teñen moito que contar

Estaba lendo este post de Juan Freire no seu blogue Nómada no que comeza falando das redes hiperlocais e remata ligando o blogue do barrio dos Rosales aquí na Coruña e curiosamente hoxe tamén fun dar ao blogue doutro barrio, o dos Mallos.

Este tipo de iniciativas están moi ben, son un medio máis de por en contacto á xente co que acontece no seu lugar de residencia alonxado xa das novas dos xornais e tamén un medio máis para o debate e como non, para a denuncia.

Todo isto lévame a pensar no que están denominando xornalismo 3.0 e na nova páxina mandati.wordpress.com creada a iniciativa de Zerovacas. A rede non deixa de ser un espacio onde todos temos voz e podemos ser escoitados. Xa non haberá ninguén que nos faga calar o que pensamos, poñer trabas para denunciar as deficiencias que atopamos arredor, evitar que critiquemos o que está mal feito, que louvemos o que nos parece un bo traballo e que manifestemos as nosas opinións sobre calquera tema que nos interese.

Din que o que non está en internet non existe, agora con estes proxectos a realidade será cada vez máis real porque é a xente a que se move, a que insta aos gobernantes a abrir os ollos e darse conta de para que serve o cargo que ocupan e que están ao servicio daqueles que os escolleron, co cal deberían facer ben o seu traballo igual que os demais o facemos.

Ogallá que toda Galiza contase con conexión a internet, porque a proximidade das eleccións e surxemento destas redes hiperlocais igual poderían facer espabilar aos políticos e facer que se deran conta de que o seu traballo é avaliado polos veciños e que tivesen máis en conta as suxerencias que lles dan e a problemática de cada sitio en concreto, para non rematar dicindo esa bonita frase que é "yo no sabía nada, me enteré por la prensa".

Creo que a partir de agora non van ter excusa.



E aquí as páxinas dos barrios da Coruña. A min, persoalmente, gústame máis o formato blogue dos Rosales, dos Mallos e de Matogrande. Conta con foros o Mesoiro e Someso e son moito menos participativas a do Ventorrillo e a do Ensanche.

Barrio dos Rosales
Barrio dos Mallos
Barrio de Matogrande
Barrio do Ventorrillo
Barrio do Ensanche
Barrio de Mesoiro
Barrio de Someso

Eu o máis parecido que tiña sobre Oroso era o blogue de Miguel Edreira Castro: Por Sigüeiro pasa lixeiro! e un post de Manuel Gago sobre os castros e con denuncia incluida, que non me extraña, que o do patrimonio da pena. Polo de agora conformareime co Metropolitano a falta dalgo máis xornal 3.0.

Curioseando por aí atopo Oroso nas contas de A Madriña Asociados Ltd., blogue que seguro que hei visitar máis a miúdo e tamén á súa Accionista nº 69. Por certo, onde poido escoitar a Remolca Madriña?? Mentres tanto vou ver que tal o Doctor Harapos.

Blogomillo internacional

Onte estivemos o moucho branco máis servidora facendo o que se coñece como lo puto peor ou metabloguear (ou algo así) entre outras cousas, e hoxe funlle botar unha visual ao dichoso ránking do blogomillo e atopeime con moi gratas sorpresas. Entre os tropecentosmil blogues galegos que xa hai, estaban algúns que aínda non sei por que bo motivo decidiron anotarse nesa lista crecente e imparable de blós que recolle blogaliza:

Citador, extractos de libros a mancheas de autores recoñecidos e citas e lecturas a fartar. Como ben se describe: Centenas de Reflexões e Pensamentos.

Legendas & Etcaetera, un blogue interesante, con moitas cousas que mirar, entre elas a seguinte:


fworld: Fátima Rolo Duarte por Bélxica, un dos que máis me gustou.

Dispatches from Zembla de alok, que nos leva polo cine e pola literatura escribindo en inglés.

E non sei por que aparecen na blogaliza, pero dácheme igual, a min paréceme unha apertura e unha ruptura da endogamia tan criticada. Por outra banda, o blogomillo xa era internacional e se non, non hai máis que mirar para torre de babel, acedre nos seus días, a cesare, a Plattdorf, a emereci, a Mr. Tichborne, e non sei ben se a Illa de Gorée e Marrocos son os puntos de blogueo de Mario e de rifenha, pero tamén lle dan un toque exótico ao blogomillo. Seguro que me esquezo de moitos, pero é o que ten viaxar, que non chegas a tódolos sitios.
Re-editando:
A tódolos sitios non chegamos pero sempre temos quen nolos descubra ou recorde. Pois entre os internacionais tamén están o galego no sol naciente, a Kiko Novoa instaurando unha quinta provincia galega en Suecia e ao ladiño está Brais, integrándose na Noruega. Gracias acedre por lembrarmos.
E coma exemplo de viaxes blogueiras, queda un post da Fátima aquí.

Ah, esquecíaseme, para viaxes así preto, esta que nos propón sara jess:

Engadido:

Hai máis: Frenesi-livros, coisas que escrevo, Deriva das Palabras, fazendo caminho II, Textos de Contracapa 2 e despois está a nova esta en chuza: E tu, lês blogues en português?. Esto xa é PortuGaliza :)

Agradecementos

1. A Carlos (sexas quen sexas) pola súa opinión.

2. A P. Iglesias por facer referencia á anotación 25 de novembro: Tolerancia cero.

3. A bola extra por tan bos momentos que nos fixo pasar. E si, a todos eses fans: sigue vivo! Volta, que te botamos de menos, neno!

Un bico, aperta ou saúdo (a escoller) a cada un de vos.