Agora estou enfadada sobremaneira con Lupe. Porque é feliz, porque está namorada, porque voa e porque baila.
Estou enfadada porque eu tamén sufrín moito, porque Trasmonte tamén era un mundo, porque teño un río, polas vacas, por toda a herba dos prados, porque tamén sempre estou namorada.
Realmente estou enfadada porque a Lupe que levo dentro aínda non se atreve a voar, aínda non baila libre e quere ter un Manolo co que falar.
Estou enfadada porque queimo as ás dunha soa vez en voos estratosféricos, porque me condeno a min mesma a bailar sempre a mesma canción, porque cando aparecen Manolos non lles digo todo o que lles quero dicir.
VOAR
Para min é importante voar. Elevarse sobre a realidade. Escapar. Sempre estou voando, sempre estou contenta. O xesto da muller é voar.
...
Hoxe espertei con medo a quedarme muda. O amor faime falar. Para min sentir amor é ter palabras. Sempre estou namorada. Díxenlle a Manolo que para min é moi importante falar. E púxenme a voar.
...
QUERO BAILAR
Gústame moito bailar. Nada ten sentido, o importante é bailar. Hai uns versos de Uxío Novoneyra que me gustan moito, e que din así: "Bailas e faisme libre". Porque para min bailar é a liberdade e cando bailo me sinto libre. Sinto que alcanzo unha liberdade preciosa.
...
Ás veces cando estou soa eu na miña casa e poño música e síntome contenta e póñome a bailar. Para min bailar é un sentimento profundo de amor e liberdade.
AMO MOITO
...
Eu sempre estou namorada. Eu son namoradiza como unha vaca. E todos os meus poemas son poemas de amor. Sempre me gustou escribir sobre ese sentimento que me invade e que me fai sentirme viva, chorar, rir. Amo moito, amo todo. Amo moito, como unha nena aburrida.
...
A min gústame bailar libre no amor. Quérote, sen que veñas ao meu carón como algo fixo. Namoreime cando chovía. Se non chovese tanto non me namoraba.
...
Quero bailar, Lupe Gómez
Máis:
Lupenáutica
Algo máis do Dicionario para lupenautas
Lupe, fascículo 3
E estou enfadada porque choveu e namoreime tanto...teño que ser zen.
3 comentários:
Non é terriblemente canso estar sempre namorada? Non rematas como empachada, ou epalagada? Non me refiro a amar a alguén, senón a ese estado de coloque endorfínico das primeiras fases do namoramento. Que, por certo, debe de queimar mais neuronas que unha borracheira.
Toda la razón del mundo, é horrible, porque aínda sinto as malditas bolboretas e non quero, non quero, non quero, pero están aí. Das neuronas non falamos, porque están empachadas xa.
A ver se con catarses coma esta van desaparecendo ou teñen unha razón de ser, porque se non roza o enfermizo, o emborrache do que Lupe tamén fala.
E en serio que estou enfadada coa Lupe, por ser tan feliz. Estou amargada :D
Aínda que soe pedante dicilo (pido perdón por adiantado), a miña pasaxe prefirida do Así falou Zarathustra tamén é unha na que exalta o baile (aínda que, en sentido amplo, pode entenderse como a diversión). E non se enfade, muller, que total, para que? (isto, por susposto, dígocho a ti para lembrarmo a min mesmo). : )
Saúdos, Besbe.
Enviar um comentário