O conto é que, gracias xa non á herba moura se non á ortiga morta, acabo de gañar un libro.
E como a cousa vai de plantas e de libros, recomendo a lectura de Ortigas, de Xía Arias que é a onde pertencen as seguintes letras:
"Cando vou en coche miro para fóra e véxome correndo ao par,
á mesma velocidade, poñéndome carantoñas.
Teño por norma non pisar o chan.
Vou por riba dos quitamedos,
salto ao sinal,
cambio para o muro,
volta ao quitamedos e outro sinal.
Son eu e non son eu: ás veces, son un debuxo animado.
Cando na estrada teño medo agárrome a todo.
Laura non se move, mírame de esguello e como que ri.
Pensas que se perde algo?"
O seguinte vai adicado
"Ensínasme a deda grande do pé montada no índice. Teño que entender que non? Xoguemos un tute a tres. Iso é un cabrón. Xoguemos un cabrón."
Rematarei escollendo Herbario? Algunha recomenda? Ten que ser de Rinoceronte.
9 comentários:
Gosto do texto, como gosto do tute cabron, cantas horas perdidas diante das carta no pasado, e que esquecido teño xa ese xogo, parece que os mouros entraran nos meus miolos, e por envexa arrincasen a suas reglas..20 en bastos...
Un bico :)
di que si an, e mira que ao tute sempre facía renuncios sen querer e as amigas sempre mo botaban en cara :D
Creo que cantei victoria antes de tempo e igual non gañei o libro, sempre poderei retar a un tute cabrón a ver se teño sorte e así remato gañándoo.
Bicos an :)
De Rinoceronte recoméndoche Anxos do Universo, que foi do que máis gostei até agora, e se xa o liches Paasilinna e Houellebecq tamén son boas segundas opcións (moi moi distintas, claro). Herbario non che me chistou moito, tanto consello, tanto consello...
gracias Mario, o de Paasilinna está comezado e Houellebecq lido e relido. Así desbotarei Herbario e terei entón a Anxos do Universo como boa opción.
Ah, e o meu comentario??? Nada, insisto: eu quedaría co de Márai, moi recomendable (escribino hai 3 horas, pero desapareceu)
eu sempre chamei estrugas a esas plantiñas que pican, pero ortigas está ben (urtica dioica)
Estiven mirando o catálogo e o único que coñezo é o Decamerón de Bocaccio, así que moito non che podo recomendar... :D Desfruta da lectura!
Eu pasei tardes xogando ao Tute na cantina de San Martiño do Bolo.Se pasara así tanto tempo facendo un curso de informática básica...
Ti non o sabes pero para entrar en Elos e escribir un post teño que pasar sempre polo teu blog. Non é que me moleste, ao contrario sempre é un gustaso lerte, pero é que ... Non teño remedio Besbe. Non o teño. Un saúdo dunha muller desinformatizada.(valdeorosa-rosa)
¡¡Unha soidade demasiado ruidosa!!
Enviar um comentário