Cuestionario Proust

Da man de larvós chega o Cuestionario Proust e imos aventurarnos a facelo anque supoña contar algo máis dun mesmo, cousa que anque normalmente facemos, non deixa de dar un pouco de vergoña cando é así tan explícito.

O Cuestionario Proust polo que estiven mirando, leva ese nome porque o das madalenas foi o que o publicou por vez primeira no 1892 e está feito coa idea de coñecer mellor a unha persoa. Seica no século XIX nos salóns de París era un entretemento de cabaleiros e mesmo había xente que llo pasaba ás visitas e tíñanos todos recollidos nun libro.



O conto é que o Marcel respostou a estas preguntas no aniversario da súa amiga Antoniette Felix-Faure cando tiña 13 anos que a rapaza gardou no "libro de aniversario" (supoño que sería algo así como o album da primeira comunión) e despois fixo outro aos 20. Hoxe tócanos respostar, eivai!

1. O principal rasgo do meu carácter?
Supoño que a empatía, anque ás veces penso que é o contrario, a falta de personalidade e de asertividade. Tanto ten, eu penso que é boa cualidade porque así non me radicalizo en canto a pensamentos e actitudes e escoitar o que ten que dicir a xente é algo moi enriquecedor e xa non é todo branco ou negro, se non que rematas tendo unha paleta enorme de cores coa que ver as cousas.

2. A calidade que prefiro nun home?
A capacidade de facerme rir, que sexa unha persoa comunicativa, as mostras de afecto e por suposto, a ausencia de soberbia.

3. A calidade que desexo nunha muller?
Sinceridade.

4. O que máis aprecio nos meus amigos?
Que sempre estean aí cando o preciso, que saiban que poden contar comigo e que nunca nos damos problemas nin nos botamos cousas en cara, doutro xeito non serían amigas/os. Vamos, que nos queremos.

5. O meu principal defecto?
Pouca autoestima? E ser moi desconfiada.

6. A miña ocupación preferida?
Non facer nada.

7. O meu soño de dicha?
Non aspiro a nada nesta vida, ou mellor dito, xa son dichosa.

8. Cal sería a miña maior desgraza?
Morrer ou que morresen/desaparecesen persoas queridas da miña vida.

9. Que quixera ser?
De pequena quería ser escritora ou xornalista agora, o que son (anque algunhas veces penso que me enganei en escoller profesión). Despois penso que calquera traballo ou ocupación sería interesante pero como nunca tiven vocación de nada, pois tanto me daría. O que si me gustaría sería poder ser unha exploradora, unha alpinista, formar parte dunha expedición na Antártida...algo así.

10. Onde desexaría vivir?
En calquera sitio onde tivese amigos e me poidese localizar a familia, de clima aceptable e se pode ter mar mellor, que anque son de interior tamén se bota de menos. A miña idea é ter unha casa no campo nun futuro, coa súa camposa, cos froitais, coa parra e coa parrilla para o churrasco. Estaría ben.

11. A cor que prefiro?
Gústame o azul. E os verdes e os laranxas rechamantes tamén.

12. A flor que prefiro?
Gústanme tres xuntas que fan contraste no medio do verde: as queiroas violetas, as chorimas amarelas dos toxos(ou no sitio as flores das xestas)e as herbas das doas azuis.

13. O paxaro que prefiro?
Os pardais.

14. Os meus autores preferidos en prosa?
Borges, García Márquez, Saramago, Houellebecq, Terry Pratcher, Neil Gaiman, Manuel Rivas, Blanco Amor, Roald Dahl, Bukowski...

15. Os meus poetas preferidos?
Pessoa, Maria Lado, Lorca, Neruda, anque se digo a verdade non leo moita poesía non sei por que.

16. Os meus heroes de ficción?
Obi-Wan Kenobi

17. As miñas heroínas de ficción?
Chihiro, Alicia e Dorothy.

18. Os meus compositores preferidos?
Mozart, Miles Davis e Coltrane (e gracias a quen mos descubriu) e a partir de hoxe o Doctor Keli.


19. Os meus pintores predilectos?
Rubens, Rembrandt, Caravaggio, El Greco, Tiziano, El Bosco, Dalí, Renoir, Manet,Pisarro e case todos os impresionistas. Envexo moito a quen sabe debuxar e pintar ben.

20. Os meus heroes da vida real?
Meus pais.

21. As miñas heroínas históricas?
Juana de Arco, a pesar de toda a relixiosidade que a rodea.

22. Os meus nomes favoritos?
Uxía, Xiana, André, Asier, Alexandre e Inés.

23. Que detesto máis que nada?
A mentira, a soberbia, a hipocresía, a traición, a intransixencia, a inxustiza e o resquemor.

24. Que caracteres históricos desprezo máis?
Todos aqueles que leven implícitos todo o anterior e que arrastraron masas nunha única dirección de pensamento.

25. Que feito militar admiro máis?
A Revolução dos Cravos.

26. Que reforma admiro máis?
A Española.

27. Que dons naturais quixeras ter?
Sangre nas venas que ás veces non me viña mal e algo máis de asertividade e confianza.

28. Como me gustaría morrer?
Tranquila, sabéndoo de antemán e sen dor.

29. Estado presente do meu espírito?
Coma un río calmo de gran caudal a piques de desbordar coma un bañeiro cando esta cheo e sigue a billa botando auga, ando revolucionándome amodiño.

30. Feitos que me inspiran máis indulxencia?
Os que se fan sen maldade e sen querer.

31. O meu lema?
Non facer aos demais o que non me gustaría que me fixesen a min e o Carpe Diem sen dubidalo un momento.

Que o faga quen lle apeteza, se por min fose:

W. Sobchak
arume dos piñeiros
Gustavo Harvey

Are you ready boots?

Nancy Sinatra-These boots are made for walking


You keep saying you've got something for me.
something you call love, but confess.
You've been messin' where you shouldn't have been a messin'
and now someone else is gettin' all your best.

These boots are made for walking, and that's just what they'll do
one of these days these boots are gonna walk all over you.

You keep lying, when you oughta be truthin'
and you keep losin' when you oughta not bet.
You keep samin' when you oughta be changin'.
Now what's right is right, but you ain't been right yet.

These boots are made for walking, and that's just what they'll do
one of these days these boots are gonna walk all over you.

You keep playin' where you shouldn't be playin
and you keep thinkin' that you´ll never get burnt.
Ha! I just found me a brand new box of matches yeah
and what he know you ain't HAD time to learn.

Are you ready boots? Start walkin'!


Non irei camiño de San Antón coma anda a facer a miña nosa Madriña, pero si farei o meu Milky way particular, pero toda maniobra orquestal será feita despois de ver a Camera Obscura, que neste vídeo van máis lixeiros do que eu hei ir andando.

Desexádeme moito ánimo e poucas bozas nos pés e que ninguén se ría de min por facer o Camiño que é por motivos solidarios e sacrificando días de vacacións.

Vaime vir moi ben isto que hai moito que non lle meto unha camiñata así ao corpo. O dito, o sábado start walkin!

A Casa da Auga da Coruña

Non estiven na inauguración da Casa da Auga, edificio deseñado por Xosé Manuel Casabella e ubicado ao lado do Estadio de Riazor, pero tiven enviadas especiais que fixeron unha bonita reportaxe gráfica que a min polo menos me deixou coa boca aberta e que a elas lles encantou: xeniais Els Comediants, o equipo español de natación sincronizada, moi emotivo espectáculo, tremenda piscina olímpica (homologada pola FINA), precioso circuito termal e unha chea de auga de mar que han de coller da cala de San Roque. Aparte diso coidáronse de que parte do suministro enerxético viñese de placas fotovoltaicas, vamos, el no va más para Coruña.

E ala, aí van as fotos e comezamos cos bañistas do ano da polca:



Música acuática



Bafaradas de vapor



Orixinal palco para presentar o espectáculo



Os 12 barrios da Coruña, alegoricamente representados, aportando o seu vaso de auga na cuarta Casa da cidade



Homes burbulla na piscina





O equipo nacional de natación sincronizada



As letras da Casa da Auga ardendo, nun bonito espectáculo con lume e auga






Dan ganas de ir visitar o lugar, non?



Pois seica cara final de mes se vai poder visitar, anque van ter preferencia os que xa están preinscritos, se non o estás (coma é o meu caso) pódese facer aquí e de paso ver o que ofrecen.



O conto é que na Coruña aínda hai clases, que seica han ter unha zona VIP e todo.

Chinarradas e globos verdes

Fomos ao concerto do Sr Chinarro, que despois de beber un cubata de ron e confirmar as nosas sospeitas de que no Playa dan garrafón, recibiu un sonoro aplauso por parte do público alí congregado.



Houbo xente coñecida con logo vaqueiro incluído, como ben captaron as cámaras do noso paparazzi oficial: ghanito



e tamén houbo desmelene, non sei se cando sonaron os acordes da última canción ou non,



o caso foi que pasamos toda a noite así, baila que te baila, visitamos outra vez o Milk dos nosos amores, ata que non puidemos máis e decidimos ir ata esa hamburguesería mítica do Orzán, onde o noso Chinarro particular nos amosa o menú da noite.



E como non todo é festa nesta vida, ao día seguinte, e lamentando a ausencia do moucho, fomos a María Pita a inchar unha morea de globos seguindo a iniciativa da asociación de fibrose quística



unha morea ben grande, por certo.



Á unha da tarde saíron todos voando cara non se sabe onde



anque quedamos con un de recordo: o globo verde,



que nos acompañou na degustación dese xamón tan rico do que non quedou nin rastro, mentres dous dos comensais non sei de que demos falaban porque eu andaba máis ben noutro mundo.



Despois fomos tomar algo o sol e que saibades que me queimei.

Pola miña parte moi agradecida a Sak e a ghanito por ter vido o domingo despois de semellante noite, e eso, a seguinte festa...xa se está achegando!! Seremos máis, non?

(Por certo, boto de menos ter cámara e é unha pena que a acústica do Playa sexa tan mala)

Mariano como eres

Aprendín moito:

Nas manifas do PP non hai bandeiras preconstitucionais, non existen.

Mariano Rajoy es gallego y sabe decir moitas gracias.

O PP perdeu o poder en Galiza inxustamente porque tiña a maioría de votos, e como dixo un amigo meu "si, e os mortos tamén votan"

Dos hilillos de plastilina non vou falar porque hai outra frase que o supera:
"Estuvimos planteándonos el haber bombardeado el petrolero con nuestros cazas F-18 y los Harrier de despegue vertical" Federico Trillo, ministro de Defensa 20-11-02

Para ser político hai que dicir mil veces: "voy a bajar los impuestos".

Temos que aprender todos inglés, español ou castelán e dentro de pouco chino por iso do número de falantes de cada lingua. Que pena que o hindi estea antes que o portugués e que o portugués sexa tan distinto ao galego. Hai cousas que non cambian.

O dito, a mercar El País, que polo menos cunde máis.

Moito vou mercar El País

Se houbo unha época escura na miña vida na que mercaba a Cosmopolitan pensando que así sería unha muller de proveito ou na que Elle era a sofisticación en persoa, a día de hoxe é raro que merque revistas a non ser a National Geographic ou estea pendente de Tempos Novos.

O conto é que El País vai sacar uns coleccionables de libros da editorial Taschen de varios pintores da historia, catalogados por eles como os mellores. O dito, este domingo, despois da solta de globos en María Pita, a mercar El País.

Anque non sei se me cundiría máis mercar as revistas que regalan pulseiras, bailarinas, chanclas, pareos, gafas de sol etc...que tamén me viña ben renovar vestuario. E cóntovos de paso a pregunta que marcou a miña vida nun dos test de Cosmopolitan, algo así como:

Se te dispós a saír toda a noite de farra coas amigas que é o que fas ese día:

a. Pasas toda a tarde a pensar no que levarás e en como te maquillarás.
b. Vaste urxentemente de compras porque te das conta de que non tes nada que poñer.
c. Decides botar unha siesta pola tarde para estar ben toda a noite.

Eu daquela escollín a opción c, a día de hoxe, vendo as outras dúas opcións escollería a mesma resposta. Sentinme mal daquela porque a que daba máis puntos era a primeira.

...pero todo o montón era meu (Antonio Luque dixit e eu tamén)

Sr Chinarro-Del montón

Sr Chinarro-El rayo verde


Tu niña quiere
un estuche de colores,
que le falta el verde.
¿Qué rayos, qué querrá pintar?
¿Qué querrá pintar?
.
.
.
Un fenómeno celeste
no es tan espectacular.
Sale justo un rayo verde
en el horizonte que hoy también,
hoy también, se ha vuelto a nublar ...
se ha vuelto a nublar.


Vémonos alí este sábado, con raio verde ou sen el que últimamente andan as cousas nubladas para case todos.

Fibrose quística, solta de globos

Pois de novo, ao igual que o ano pasado, gustaríame que viñese moita xente o domingo a partir das 11:00 da mañá a María Pita. Van facer unha solta de globos dende a Asociación Galega de Fibrose Quística e é algo moi bonito.

Trailer Documental "El beso salado"-Juan Zausen films


Que, alegremente deixou de ser unha enfermidade pediátrica e así, esta frase atopada no s. XVII (por aí andaría Quevedo facendo das súas), vai deixar de ter sentido:

Pobre de aquel niño, que al besarle sepa a sal; un misterioso embrujo, se lo llevará

E vide! Domingo de 11:00 a 13:00 horas na Praza de María Pita

Opositar, hobby nacional

É que nos encanta o tema das oposicións, máis ca nada por eso de reencontrar amigos que non sei como facemos que nunca damos aprobado. O mellor de todo é que se non levas o exame preparado sempre atopas aos outros dous de turno que van exactamente igual ca ti e axudas a relaxar o ambiente falando xa de que o que máis che fastidia é ter que perder o partido Celta-Depor, que que guapos estamos, que hai que quedar para saír e a ver se baixas ti a Vigo ou subo eu a Coruña, que vamos xogar a cubrir a quiniela nos exames tipo test e "tía, que mal, que eu saín onte" ao cal se lle resposta "ti tranquilo que eu tamén". Hai cousas que nunca cambian.

Ao conto, que tivemos exame de galego e decateime de que non teño moita idea da lingua que falo. Ale, fáganme que opositan e a ver que lles parecen as preguntas.

1. Das seguintes conxuncións e locucións conxuntivas cales son as correctas:

A. Sen embargo
B. Nembargantes
C. Porén
D. Ningunha é correcta

2. Cando leva acento a contración "ca":

A. Sempre cando contrae cun artigo determinado
B. Sempre cando contrae con calquera tipo de artigo
C. Sempre cando contrae ca, conxunción comparativa, cun artigo determinado
D. Sempre cando contrae con, preposición, co artigo determinado a

3. ¿Cal das seguintes palabras non se pode acentuar graficamente?

A. Día
B. Partíu
C. Dá
D. Téxtil

4. ¿Cal das seguintes palabras non se acepta no galego normativo actual?

A. Decontino
B. Até
C. Devagar
D. Entonces

5. ¿Cal das seguintes expresións está mal escrita?

A. Dacordo
B. Talvez
C. Mao
D. U

6. Marque a palabra incorrecta:

A. Médula
B. Omoplata
C. Xeonllo
D. Virilla

7. Na escrita en galego o signos de interrogación empregaranse

A. O seu emprego é obrigatorio ao inicio do enunciado.
B. O seu emprego é obrigatorio ao final do enunciado
C. O seu emprego é recomendable pero non obrigatorio
D. O seu emprego é obrigatorio ao final do enunciado e recomendable ao seu inicio para evitar ambigüidades

8. ¿Cal das seguintes expresións é incorrecta?

A. Vouno levar deitado
B. Eu marcho
C. Marchardes xa
D. Estarrica-lo brazo

9. Na frase Onte non parou de lapiñar substitúe o termo lapiñar por un sinónimo correcto

A. Molestar
B. Manchar
C. Orballar
D. Lapidar

10. Dos seguintes termos ¿cal nomea á rexión comprendida entre as vértebras cervicais altas e a zoa occipital?

A. Calostro
B. Sacaluga
C. Xalouco
D. Caluga

Preguntas de reserva:

11. ¿A cal dos seguintes termos correspon a diagnose Esguince?

A. Escordadura
B. Torcedura
C. Extrusadura
D. Todas as respostas anteriores son correctas

12. ¿Cal é o nome galego da articulación radio-carpiana?

A. Boneca
B. Pulso
C. Cóbado
D. Ningunha das anteriores respostas é correcta

13. A que nos estamos a referir ao nomear un cabaleiro?

A. Tortícole
B. Parálise braquial
C. LUmbociatálxia
D. Tendinite de Supraespinoso


As respostas nos comentarios e estoume dando conta de que fallei moitas por non lelas con atención. Que desastre de exame!

Blogoesmorga republicana

Unha excusa para saír: eso foi a Blogoesmorga.

Cheguei esfameada e morta de sono pero xa tiñan a cea amañada a raiña vermella, a rapaza do arco, mario, o pastor eléctrico, gustavo harvey máis Sergio, o dj da festa e-music. E non debía ter tanta fame coma o resto dos comensais que fun a única que deixou comida no plato.

Iamos ir cara o Ourense, xa que aínda faltaba tempo para as doce da noite, pero estaba pechado e no camiño tivemos tempo a falar de frases tan poéticas coma as que a rapaza do arco e o pastor eléctrico saben e a ver se teñen a ben recopilar, porque non me digan que "eses si que son ollos e non os das patacas" ou "nótase que es de cidade que non cheiras a silo" (ou algo así...) non arrancan unhas risas.A camiñata levounos cara A Reixa (un saúdo para os camareiros que xa fixemos amistade) onde nos demoramos un pouco máis do debido e por iso chegamos algo tarde á Casa das Crechas, punto de encontro desta blogoesmorga saída dun comentario de mario a harvey noutra festa e organizada pola raiña vermella.

E alí que sorpresas: marinha de allegue, jan, o artipractor, o moucho branco, lourixe, zerovacas, rosa valdeorosa, noúmenos, arale e polo menos cinco ou seis persoas máis, que dicían: eu non teño blogue. Pois mellor! Saímos das Crechas, atopeime cunha antiga compañeira de instituto que había anos que non vía e fomos cara o Tarasca onde foi un gusto coincidir na porta con fer, xornalistinha, orsinia (revulsiva blogueira con todonada) e unha rapaza fotologueira que non coñecía pero que tiven a ben saúdar por iso da educación. Comentouse que non estaban nesta blogoesmorga os "famosos" e pensei en mandarlles un paparazzi detrás deles pero nas nosas filas o fotologueiro mourente aínda non se incorporara. E nós, que somos así tan proletarios e humildes nin fotos nos sacamos a nós mesmos, así que se queda esto tal cual o páramo, escaso de reportaxe gráfica.

No Tarasca comezamos a botar de menos a torreira , a moralla e a cambote, e creo que debiamos notar a ausencia do enviado pola pirámide que eu polo menos, se estivo, non me enterei. A seguinte parada estratéxica da noite, despois de aprivisionarnos ben de licor café, foi o Avante onde amigos de noúmenos sacáronnos o sorriso con esas pelucas (a de cor rosa, preciosa) e disfraces oitenteiros. Ao saír batemos de novo con María máis con berto e despois despois continuamos cara o Forum, cara o Ruta e que vos vou contar se xa o sabedes todo.

Dicir tamén que xa que estabamos pois un tercio dos brindis foron por nós, outro tercio pola República e os que quedaban foron á saúde de maria de mallou que estaba de aniversario :)

Muchachito Bombo Inferno-Siempre que quieras


Bicos, canción adicada e ata outra!