¡¡¡Mamá, cómprame uns patíns!!!

Veño contentísima.

É que onte foi a II Gala Nacional de Patinaxe Artístico organizada pola Asociación Coruñesa de Esclerose Múltiple, e quedei atontada. Que bonito, que bonito. Case cheo o Palacio dos Deportes de Riazor (e eso que comezaba ao mesmo tempo que o SuperDepor) e con Sir Francis, o señor Touriño e a sempre marabillosa Ánxela Bugallo.

Unha marabilla os italianos (Sara Venerucci e Matteo Guarise, campeóns do mundo junior 2004 e 2005, non me extraña...) e como non, os nosos galegos, Mario Paz e Antía Molanes (medalla de bronce de Europa xuvenil, os da foto 35 da ligazón) do clube Ánfora de Cangas. Dicir que o Matteo tivo un éxito tremendo entre as rapazas, así a modo de anécdota, firmando autógrafos el e sacándolle fotos elas (bueno eu tamén, que me mandou a miña amiga da ghomitada).

Pricioso.