Hoxe marchei moito máis tarde do de costume para o traballo. A min gústame mirar os telexornais pola mañá e esas mesas de debates que fan despois das novas. Hoxe estiven mirando a TVG, e xa estaban coa entrevista esta que fan e pillei case o final de todo. E a quen estaban entrevistando era a Carlos Figueiras. Mamaíña como mudan as cousas.
Eu non é que estea moi de acordo co tema este da lusofonía, non sei por onde deberían ir os tiros a verdade, pero tampouco me parece mal de todo. Eu o único libro que lin en portugués foi o "Ensaio sobre a cegueira" do Saramago (encantoume a todo isto).
A min o que non me gustan son estes neofalantes que se cren máis ca ti porque falan un galego superpuro, porque son superguais, porque son os auténticos, porque son alternativos e mil cousas máis podería dicir...Ás veces parécenme unha farsa, outra secta máis. Non en tódolos casos e eso, é unha opinión moi persoal. Simplemente que non me chamen paleta por non pensar calcadiño a eles.
Sobre a entrevista ao mozo este, sobraba o de "Obrigado, dise así ¿non?" do Carlos Fernández Amado....eso che tiña que dicir eu a ti "Grazas, dise así ¿non?" e a pregunta simplemente persoal e por curiosidade da Marga Pazos "¿Cal foi a túa lingua materna?". Pff, outras cousas non mudan non.
3 comentários:
Eis!
Eu som neofalante e orgulhoso que estou!
Som filho de emigrantes e achei no galego a lingoa nai que nom sentia no castelam. Dacordo que há alguns neo que fam um proseletismo parvo, pero isso nom quita muitos somos humildes e sempre respectamos aos que tenhem o galego coma lingoa nai.
Eieieieieieieiei! Que no, que no...que eu non quería xeralizar nin nada diso, que por unha parte admiro á xente neofalante e todo o que fai, xa que moitos axudan a que o galego saia ben parado. So me sacan do sitio aqueles que pensan que o que defenden eles e o único que é correcto, hai moitas variables que inflúen no discorrer da historia (do idioma, do país...do que sexa) e precisamente por iso a min rebéntame abondo cando me miran así de reollo por meter unhas gheadas e uns castelanismos que non deberían estar onde os poño eu, a ver se non vou poder falar como me sae...
Nada en contra ¿eh? Só son sentementos internos que aquí se fan algo públicos.
Un bico. Ou dous se fan falla.
:)
O mesmo digo.
Coma toda lingoa pode-se fazer umha crítica académica a tal ou qual fenómeno, como os castelanismos, pero marcas fonéticas como a gheada nom som criticaveis!
Um bico a ti também... ;)
Enviar um comentário